Świętochłowice - Forum bez polityki

Apolityczne forum miłośników historii i kultury Śląska i Świętochłowic
Dzisiaj jest 29 mar 2024, 7:08

Strefa czasowa UTC+1godz.




Nowy temat Odpowiedz w temacie  [ Posty: 1 ] 
Autor Wiadomość
Post: 14 lut 2016, 9:48 
Offline
Użytkownik
Użytkownik

Rejestracja: 17 gru 2013, 8:32
Posty: 281
Idzie to tyż posuchać na www.ojgyn.blog.onet.pl

Rōłzczasu jedyn istny zapragnōł sprawić swojij umiyłōwanyj gyburstakowy gyszynk. A, iże byli ze sia do kupy dziepiyro łod blank niydŏwna, po akuratnym medikowaniu uzdŏł, co sprawi łōnyj pŏrã handszułōw, glazyjek – rōmanticznie ale niy za tela łosobiste.
We asiście modrzyj szwestry jejigo umiyłōwanyj poszŏł do szykownistego markeru i kupiōł te glazyjki. Ta szwestra juzaś lajstła sie tam pŏrã modernych babsich batkōw. Nałōnczŏs pakowaniŏ tych gyszynkōw przedowaczka pometlała, zwekslowała te dwa towŏry tak, iże szwestra erbła te glazyjki a umiyłōwano tego istnego – moderne batki. I, coby bōło szpasownij, tyn istny poswŏł tyn swōj gyszynk łōnrgo umiyłōwanyj ze takin gryfnym letsckym:
„Moja ty roztomiyło!
Łobrŏłech dlŏ Cia tyn gyszynk razinku taki skuli tego, iżech spomiarkowŏł, co niy nosisz żŏdnych kej wylazujymy ze sia na łodwieczerz na szpacyr. Kejbych miŏł sprawić Twojij szwestrze, to łobrŏłbych take duge ze kneflikami, bo łōna nosi take krōtke, kere sie letko seblykŏ.
Te dlŏ Cia sōm delikatnygo farbyntōłnu jednakowōż przedowaczka pokŏzała mi swoja pŏrã, ftorŏ nosi już bez trzi tydnie i blank, ale to blank niy sōm ci łōne sflekowane abo zmaraszōne. Pasowŏłech, przimierzōłech na nij te dlŏ Cia i łōna wyglōndała na zicher szykownie i galancie.
Kciŏłbych tyż jako piyrszy je Ciebie łoblyc tak, coby żŏdne inksze ryncyska niy tykali łōnych skorzij naszygo trefu. Kej je bydziesz syjmować niy przepōmnij je deczko naplōmpać, nadmuchać przed łodłorzyniym łōnych, bo przecamć bydōm łōne deczko wilgłe. I pomedikuj ino, moja Ty roztomiyło, jak jŏ byda je czynsto kusikować, całōwać we tym roku. Trufōm, mōm nŏdziyja, iże bydziesz łōne miała na sia we tyn piōntkowy wieczōr!
Ze cŏłkōm mojōm miyłōciōm, srogim pszōniym !
P. S.
Łostaniymi czasy je we mōłdzie noszynie łōnych deczko wywiniyntych tak, coby szło uwidzieć ździebko pelcu... futerka!”

_________________
Ojgyn z Pnioków


Na górę
 Wyświetl profil  
 
Wyświetl posty nie starsze niż:  Sortuj wg  
Nowy temat Odpowiedz w temacie  [ Posty: 1 ] 

Strefa czasowa UTC+1godz.


Kto jest online

Użytkownicy przeglądający to forum: Obecnie na forum nie ma żadnego zarejestrowanego użytkownika i 6 gości


Nie możesz tworzyć nowych tematów
Nie możesz odpowiadać w tematach
Nie możesz zmieniać swoich postów
Nie możesz usuwać swoich postów
Nie możesz dodawać załączników

Szukaj:
Przejdź do:  
cron
Technologię dostarcza phpBB® Forum Software © phpBB Group