Świętochłowice - Forum bez polityki

Apolityczne forum miłośników historii i kultury Śląska i Świętochłowic
Dzisiaj jest 28 mar 2024, 16:13

Strefa czasowa UTC+1godz.




Nowy temat Odpowiedz w temacie  [ Posty: 1 ] 
Autor Wiadomość
Post: 12 sie 2015, 7:59 
Offline
Użytkownik
Użytkownik

Rejestracja: 17 gru 2013, 8:32
Posty: 281
Idzie to tyż posuchać na www.ojgyn.blog.onet.pl

Na bance wele knapszaftu zicnōł sie jedyn mocka jankorny i zachmulōny chop ze gryfnōm halbeckōm w gorzci. Siedzi tak, i ino zaziyrŏ na ta flaszka. Siedzi tak godzina, dwie... Łorŏz ku niymu podlazuje lōmp, chachŏr, łozsiednōł sie jak u sia dōma na tyj bance wele tego jankornego chopa, zebrŏł mu frech ta jego halbecka, na eks ci jōm wysłepŏł... chepnōł stopierōńsko...
Łorŏz kukŏ a tyn zachmulōny do terŏzka chop napoczynŏ festelnie ślimtać.
– Dej pokōj chopie, niy ślimtej, skōńcz beceć, jŏ ino przeca szpasowŏł! – gŏdŏ tyn lōmp deczko zgańbiōny. – Pōdź, sam wele jes sklep mōnopolowy, sprawia ci chopie nowŏ flaszka.
– Niy ło to mi idzie – tuplikuje tyn zaślimtany chop. – Blank nic mi sie łostatniŏ niy darzi, mōm jakisik usrany mazel. Ranoch zaspŏł i festelniech sie zniyskorzōł na festelnie ważny tref. Moja fyrma niy podszrajbowała srogigo kōntraktu. Skuli tego mōj szef wyciep mie ze roboty. Kejech wylazowŏł ze fyrmy uwidziŏłech, co mi ukradli, zachabiyli mōj autok. Wziōnech se taksa i pojechŏłech do chałpy. Kej już ta taksa łodjechała, skapnōłech sie, iżech łostawiōł driny moja briftasza ze wszyjskimi papiōrōma. A we chałpie – co? A we chałpie moja starŏ zdrŏdzŏ mie ze mojim nŏjlepszyjszym kamratym...
– Nō i ? – pytŏ sie tyn hōncwot.
– Nō, tōż skuli tego wszyjskigo uzdŏłech, co sie hangna, popyłnia samobōjstwo. Narychtowŏłech se szykownŏ flaszecka giftu, skutnyj trucizny... i łorŏz znŏgła przilazuje jakisik chachŏr zatracōny, jakisik łoszkliwy lōmp, kery mi jōm... na eks wysłepŏł...

_________________
Ojgyn z Pnioków


Na górę
 Wyświetl profil  
 
Wyświetl posty nie starsze niż:  Sortuj wg  
Nowy temat Odpowiedz w temacie  [ Posty: 1 ] 

Strefa czasowa UTC+1godz.


Kto jest online

Użytkownicy przeglądający to forum: Obecnie na forum nie ma żadnego zarejestrowanego użytkownika i 6 gości


Nie możesz tworzyć nowych tematów
Nie możesz odpowiadać w tematach
Nie możesz zmieniać swoich postów
Nie możesz usuwać swoich postów
Nie możesz dodawać załączników

Szukaj:
Przejdź do:  
cron
Technologię dostarcza phpBB® Forum Software © phpBB Group