| Świętochłowice - Forum bez polityki https://hanysy.info/ |
|
| Hazok i samica ryżokudły... https://hanysy.info/viewtopic.php?f=17&t=553 |
Strona 1 z 1 |
| Autor: | Ojgyn z Pnioków [ 02 wrz 2015, 7:54 ] |
| Tytuł: | Hazok i samica ryżokudły... |
Idzie to tyż posuchać na www.ojgyn.blog.onet.pl Przilazuje hazok do samicy fuksa, do samicy ryżokudły. – Wasz chop to jes we chałpie? – Niy! Niy ma go. – Tōż tyż, moja roztomiyło, mōm dlŏ cia forszlag, propozycjŏ. Dōm ci stōwa jak mi dŏsz kusika. – Ale, cōż łoni, pōnie hazok. Jŏch jes wydanŏ i nigdy tego niy zrobia! – Na zicher niy? – rzōńdzi hazok i wymachuje banknōtōm. – Nō, dobra... Samica fuksa nŏmiyntnie, łogniście kusikuje tego hazoka i na łostatku erbła te sto złociokōw. – Nō, moja ty roztomiyło, festelnie gorkŏ żeś jes. Wiysz dōm ci jeszcze sto złociokōw jak sie sam zarŏzki przedymnōm sebleczesz... – Niy, na isto niy, do tego pewnikiym sie niy uciykna. Niy sebleka sie przed cia za żŏdne szace, za żŏdne pijōndze! – Jeżeś tego pewnŏ? – rzōńdzi juzaś hazok i fakluje pijōndzami. – Nō, dobra... Ta fuksowŏ samica seblykŏ sie przed tym hazokym i dostŏwo zapłata. – Moja ty roztomiyłŏ... dōm ci jesce jedne sto złotych jak sie symnōm dupniesz! – A za kogo ty hazoku mie mŏsz? Co ty se myślisz? Iże jŏch jes jakŏ kurwa? – wrzescy festelnie zgorszōnŏ samica fuksa. Ale, niy zetwało pŏra minutek i ta samica ciepła ci sie na tego hazoka i napoczli sie dupczyć jak nŏjyńci. Zatym hazok dowo fuksowyj samicy pijōndze i wylazuje rŏd jak sto dioskōw. Po jakimsik czasie wrŏcŏ do chałpy fuks, chop łod tyj samicy. Kukŏ tak, zaziyrŏ na ta swoja babeczka, a jes ci łōna jakosik blank inkszŏ, cichuśkŏ, blank sie niy łodzywŏ ino szuści, zwyrtŏ sie po kuchyni. – Te, moja ty roztomiyło, co sie stanōło? – Anic, blank nic, wszyjsko jes do porzōndku! – A hazok sam bōł? – pytŏ fuks. – Ja, bōł... – A łoddŏł pijōndze, ftore mi bōł winowaty? |
|
| Strona 1 z 1 | Strefa czasowa UTC+1godz. |
| Powered by phpBB® Forum Software © phpBB Group https://www.phpbb.com/ |
|